Библиотека “Халкидон”

___________________

Молитва святым равноапостольным Константину и Елене

Память святых равноапостольных царя Константина Великого и матери его царицы Елены празднуется Православной Церковью 21 мая/3 июня

О предивнии и всехвальнии царие равноапостольнии Константине и Елено! К вам, теплым заступником, возносим наши недостойныя молитвы, яко велие имате дерзновение ко Господу. Испросите у Него мир Церкви и всему миру благоденствие, начальником мудрость, пастырем попечение о пастве, пасомым смирение, старцем желанное упокоение, мужем кротость, женам благолепие, девственником чистоту, детям послушание, младенцем христианское воспитание, больным исцеление, враждующим примирение, обидимым терпение, обидящим страх Божий, приходящим в храм сей и молящимся в нем благословение и всем вся по коегождо прошению полезная, да хвалим и поем Благодетеля всех Бога, в Троице Славимаго, Отца и Сына и Святаго Духа, ныне и присно и во веки веков. Аминь.

Рекомендуем также: