О, Пресвятая Госпоже Владычице Богородице, вышши еси всех Ангел и Архангел и всея твари честнейши, помощнице еси обидимых, ненадеющихся надеяние, убогих заступнице, печальных утешение, алчущих кормительнице, нагих одеяние, больных исцеление, грешных спасение, христиан всех поможение и заступление! О, Всемилостивая Госпоже, Дево Богородице Владычице! Милостию Твоею спаси и помилуй святейшия патриархи православныя, преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити; и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О, Всемилостивая Госпоже Владычице Богородице! Воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечнии, еже ко спасению; и сподоби ны, грешныя рабы Твоя, Царствия Сына Твоего, Христа Бога нашего; яко держава Его благословена и препрославлена со Безначальным Его Отцем и с Пресвятым и Благим, и Животворящим Его Духом ныне и присно, и во веки веков. Аминь.

Текст приводится по изданию: Акафисты на каждый день седмицы. М.: Свято-Троицкая Сергиева Лавра, 2003. С. 224-225

Молитва Воскресшему Спасителю
Молитва святого Ефрема Сирина (с переводом на русский язык)
Молитва от лица кающагося человека
Молитва старца Евстратия Глинского
Молитва ко Пресвятой Богородице (из Акафиста Покрову Пресвятой Богородицы)
Святейший Патриарх Сергий (Страгородский). Почитание Божией Матери по разуму Святой Православной Церкви
В. Н. Лосский. Всесвятая
В. Терехов. Успение Пресвятой Богородицы (иконография праздника)

Copyright © 2006-2011 Библиотека "Халкидон"
При использовании материалов сайта ссылка на halkidon2006.orthodoxy.ru обязательна.