О Преблагословенная Дево Богородице Владычице! Мати всех страждущих и болезнующих сердцем! страны нашея и града Защитнице! обители Псково-Печерския красото и слава! Призри на нас смиренных и обремененных грехми многими, отягченных скорбми и печалями, и с сокрушением и слезами взирающих на пречистый лик Твой, в чудотворней иконе явленный, сохрани от всякаго зла святую обитель сию, юже преподобный Корнилий со старцы Марком и Ионою Тебе вручи, и всех в вере и надежде подвизающихся в ней. Спаси и град сей и вся люди, правоверно живущия и к Тебе прибегающия, от нашествия иноплеменных, от всякаго страха и труса, от мора и глада, от злых человек и всяческой скорби. Приникни к нам милосердием Твоим, яко ликом Твоим Божественным любезно приникла еси к ланите Богомладенца. Согрей нас дыханием Твоея любве, и никогда же отступай от нас ни в сей жизни, ни в будущей, да чающе Твою всесильную Материнскую помощь, сподобимся безбедно дойти вечныя жизни и прославлять Небеснаго Отца и Сына и Святаго Духа, в Троице славимаго Бога во веки веков. Аминь.

Текст приводится по изданию: Православный молитвослов и Псалтирь. М.: Московский Свято-Данилов монастырь, Издательство "Даниловский Благовестник", 1995. С. 210-211

Акафист Пресвятой Богородице в честь иконы Ее "Торжество Пресвятой Богородицы" (Порт-Артурской)
Молитва ко Пресвятой Богородице (из Акафиста Покрову Пресвятой Богородицы)
Молитва ко Пресвятой Богородице
Молитва ко Пресвятой Богородице пред иконой Ее, именуемой "Казанская"
Молитва Божией Матери пред иконой Ее, именуемой "Державная"
Преподобный Марк Псково-Печерский
Молитва преподобномученику Корнилию, игумену Псково-Печерскому, чудотворцу
Земная жизнь Пресвятой Богородицы, — как высочайший образец совершеннейшей христианской жизни
Святитель Иоанн Златоуст. О Святой Деве и Богородице Марии (spurium)
Святейший Патриарх Московский и всея Руси Сергий (Страгородский). Почитание Божией Матери по разуму Святой Православной Церкви