О мира Заступнице, Мати Всепетая! Со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе. Умоли, милосердная Мати Света, Сына Твоего и Бога нашего, сладчайшаго Господа Иисуса Христа: да сохранит в мире страну нашу, да утвердит державу нашу в благоденствии и избавит нас от междоусобныя брани; да укрепит Святую Церковь нашу Православную, и незыблему соблюдет ю от неверия, раскола и ересей. Не имамы бо иныя помощи, разве Тебе, Пречистая Дево: Ты еси всесильная христиан Заступница пред Богом, праведный гнев Его умягчающая. Избави всех с верою Тебе молящихся от падений греховных, от навета злых человек, от глада, скорбей и болезней. Даруй нам дух сокрушения, смирение сердца, чистоту помышлений, исправление греховныя жизни и оставление согрешений наших; да вси, благодарственне воспевающе величия Твоя, сподобимся Небеснаго Царствия, и тамо со всеми святыми прославим пречестное и великолепое имя в Троице славимаго Бога, Отца, и Сына, и Святаго Духа, ныне и присно, и во веки веков. Аминь.

Акафист Пресвятой Богородице в честь иконы Ее "Торжество Пресвятой Богородицы" (Порт-Артурской)
Молитва ко Пресвятой Богородице (из Акафиста Покрову Пресвятой Богородицы)
Молитва ко Пресвятой Богородице пред иконой Ее, именуемой "Казанская"
Молитва ко Пресвятой Богородице
Святитель Иоанн Златоуст. О Святой Деве и Богородице Марии (spurium)
Земная жизнь Пресвятой Богородицы, — как высочайший образец совершеннейшей христианской жизни
Святейший Патриарх Московский и всея Руси Сергий (Страгородский). Почитание Божией Матери по разуму Святой Православной Церкви
Святейший Патриарх Московский и всея Руси Алексий II. “Заступница Усердная”. Слово в день празднования в честь иконы Божией Матери “Державная”
В. Н. Лосский. Всесвятая