• На главную страницу
  • Молитвы
  •  

    Библиотека “Халкидон”

    ___________________

    Молитва святому праведному Иоанну Кронштадтскому

    Память святого праведного Иоанна Кронштадтского празднуется Православной Церковью 20 декабря/2 января; в день Собора Санкт-Петербургских святых (3-я Неделя по Пятидесятнице); в день Собора святых Эстонской земли (18 ноября/1 декабря)

     

    Молитва

    О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господъ, да ходатай и присный молитвенник за нас будеши. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся.

    Ты же, отче праведне, велие дерзновение ко Господу и сострадание к ближним своим имея, умоли Всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует.

    О святче Божий, помози нам веру Православную непорочно соблюсти и заповеди Божии благочестно сохранити, да не обладает нами всякое беззаконие, ниже посрамится правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Таин Божиих причастныя.

    Еще молим тя, отче праведне, о еже Церкви нашей Святей до скончания века утвержденней быти, отечеству же нашему мир и пребывание в правде Божией испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Немже живем, и движемся, и есмы, и пребудем во веки. Аминь.

     

    Тропарь, глас 1:

    Православныя веры поборниче, /

    земли Российския печальниче, /

    пастырем правило и образе верным, /

    покаяния и жизни во Христе проповедниче, /

    Божественных Таин благоговейный служителю /

    и дерзновенный о людех молитвенниче, /

    отче праведный Иоанне, /

    целителю и предивный чудотворче, /

    граду Кронштадту похвало /

    и Церкве нашея украшение, //

    моли Всеблагаго Бога /

    умирити мир и спасти души наша.

     

    Ин тропарь, глас 4:

    Российския земли пастырь добрый показался еси, /

    в служении пресвитерстем жизнь во Христе стяжав, /

    Богомудре отче Иоанне. /

    Благодать изобильную от Владыки Христа приял еси: /

    недуги отгоняти, /

    малодушныя утешати, /

    в Тайне Пречистаго Тела и Крове верныя со Христом соединяти. /

    Сего ради восхваляем тя, //

    яко молитвенника о душах наших.

     

    Кондак, глас 3:

    Днесь пастырь Кронштадтский /

    предстоит Престолу Божию /

    и усердно молит о верных /

    Христа Пастыреначальника, /

    обетование давшаго: /

    созижду Церковь Мою /

    и врата адова //

    не одолеют ей.

     

    Величание

    Величаем тя, /

    святый праведный отче Иоанне, /

    и чтим святую память твою: /

    ты бо молиши о нас //

    Христа Бога нашего.

     

    Текст приводится по изданию: Акафист святому праведному Иоанну Кронштадтскому. М.: Издательство Московской Патриархии, 2001. С. 27-30.

     

     

    Рекомендуем также:

    Краткое житие святого праведного Иоанна Кронштадтского
    Архиепископ Тихвинский Константин (Горянов). 100-летие первой русской революции. Св. Иоанн Кронштадтский и Георгий Гапон

     

    Copyright © 2006-2011 Библиотека "Халкидон"
    При использовании материалов сайта ссылка на halkidon2006.orthodoxy.ru обязательна.

    Mail.Ru Сайт расположен на сервере 'Россия Православная' Rambler's Top100